Featured

First blog post

This is your very first post. Click the Edit link to modify or delete it, or start a new post. If you like, use this post to tell readers why you started this blog and what you plan to do with it.

post

Advertisements

ចែករំលែកចំណេះដឹង

  មានរូបភាពជាច្រើននៅក្នុងបណ្តាញមួយឈ្មោះថា PINTEREST  ។រូបភាពទំាងនោះមានលក្ខណៈប្លែកទៅតាមផ្នែកនៃ categories ដែលគេបានផ្សាយពាណិជ្ជកម្ម។ មានតែពពួកអ្នកលេង internet នៅ EUROPE និងនៅ UNITED STAT OF AMERICA និងនៅ  Northwest of the World ទើបមានប្រើបណ្តាញមួយនេះ។
  ដើម្បីមាន Account នៃបណ្តាញនេះ យើងត្រូវមាន Email មួយយ៉ាងពិតប្រាកដសម្រាប់ទទួលខុសត្រូវក្នុងការ Upload pictures របស់យើង។ ពេល Sign Up បានរួចរាល់ វានឹងបង្ហាញ Succession នៃអ្នកដែលមាន Account ក្នុងបណ្តាញ Pinterest ។បើចង់តាមដាន Account ណាមួយ អ្នកត្រូវ Follow លើ Account នោះ ។បន្តិចមក វានឹងបង្ហាញនៅលើ Bord នៃ Account យើង។ 

      សូមសាកល្បងប្រើទាំងអស់គ្នា ។ សូមកុំឲ្យយុគសម័យទំនើបនេះកន្លងហួសទៅដោយយើងមិនបានចូលដល់ជ្រៅក្នុងពិភពដ៏អស្ចារ្យនៃបច្ចេកវិទ្យា។ អ្នករាល់គ្នាត្រូវដឹងថា សព្វថ្ងៃនេះ អ្នកវិទ្យាសាស្ត្រនៃ United State Of America កំពុងស្រាវជ្រាវដើម្បីបង្កើតតំបន់ទេសចរណ៍នៅឋានព្រះចន្ទ ដើម្បីដឹកជញ្ជូនមនុស្សពីភពផែនដីទៅកម្សាន្តនៅភពព្រះចន្ទ។


( បំណងល្អពី ៖ យួន បូរ៉េត )

តើសាសនាព្រាហ្មណ៍នៅមានឥទ្ធិពលអ្វីខ្លះក្នុងសង្គមខ្មែរ?

នៅប្រហែលសតវត្សទី១នៃគ្រីស្តសករាជ ព្រះបាទអសោកនៃស្តេចឥណ្ឌា បានបញ្ជូន សមណៈទូត២អង្គគឺ សោណត្ថេរ និងឧត្តរត្ថេរឲ្យមកសុវណ្ណភូមិ ( កម្ពុជា ) ដើម្បីផ្សព្វផ្សាយសាសនា។សាសនាសម័យនោះគឺ សាសនាព្រះពុទ្ទ និងសាសនាព្រហ្មញ្ញ។ ឥទ្ធិពលសាសនាទាំង២ បានដក់ជាប់នៅក្នុងដួងចិត្តខ្មែរ គឺខ្មែរគោរពបូជាជាប់ជាតណររហូតមក។

            ងាកមកនិយាយពីសាសនាព្រហ្មញ្ញ ឬហៅថា សាសនាព្រាហ្មណ៍វិញមានការនិយមខ្លាំងតាំងពីបុរាណរហូតដល់សម័យអង្គរ ពិសេសសម័យអង្គរនោះឯងដែលព្រហ្មញ្ញសាសនាមានការរីកចម្រើនជាងសម័យណាៗទាំងអស់។ លុះមកដល់ក្រោយ សម័យអង្គរ សាសនាព្រាហ្មណ៍បានបាត់បង់ និងថយឥទ្ធិពលរបស់ខ្លួនបន្តិចម្តងៗស្ទើរតែសាបសូន្យ។

តើសាសនាព្រាហ្មណ៍នៅមានឥទ្ធិពលអ្វីខ្លះក្នុងសង្គមខ្មែរសព្វថ្ងៃ ?

         ខ្មែរសព្វថ្ងៃកាន់និងគោរពសាសនាព្រាហ្មណ៍ដោយមិនដឹងខ្លួន ព្រោះនៅមានទំនៀមទម្លាបមមួយចំនួនដូចជា  ៖

  • នំអន្សម គឺជា​នំ​ដែល​ប្រជាជន​ខ្មែរ​ស្ទើរ​គ្រប់​ក្រុម​គ្រួសារ តែងតែ​រៀបចំ​វេច​នំអន្សម ជា​រៀងរាល់​ឆ្នាំ មិន​ដែល​ខាន ឲ្យតែ​ដល់​រដូវ​បុណ្យ​ចូលឆ្នាំខ្មែរ ឬ​រដូវ​កាល​បុណ្យភ្ជុំបិណ្ឌ​ម្ដងៗ ជាពិសេស គឺ​រដូវ​បុណ្យភ្ជុំបិណ្ឌ គឺ​ប្រជាពលរដ្ឋ​ខ្មែរ​តែង​វេច​នំអន្សម​នេះ ស្ទើរ​គ្រប់​ផ្ទះ។ យើង​តែង​សម្គាល់​ឃើញ ប្រជាពលរដ្ឋ​ខ្មែរ​វេច​នំ នៅ​មុន​ថ្ងៃបុណ្យ​ភ្ជុំ មួយ​ឬ​ពីរ​ថ្ងៃ គឺ​គ្រប់​ផ្ទះ​ញាប់ដៃញាប់ជើង ម្នីម្នា​រៀបចំ​វេច​នំ​ដើម្បី​ទុក​ចូលរួម​ក្នុង​ឱកាស​ភ្ជុំបិណ្ឌ។ នំ​ដែល​យើង​វេច​រួមមាន​ដូចជា៖ នំអន្សមជ្រូក អន្សមចេក នំបត់ ជាដើម។


អត្ថន័យ​របស់​នំអន្សម ៖

ពាក្យ “អន្សម” តាម​វចនានុក្រម​សម្ដេច​សង្ឃ ជួន ណាត បាន​ពន្យល់​ថា៖ នំអន្សម ជា​ឈ្មោះ​នំ ធ្វើ​ដោយ​អង្ករ​ដំណើប​ខ្ចប់​ដោយ​ស្លឹក​ស្រស់ (តាមធម្មតា ច្រើន​ប្រើ​ស្លឹក​ចេក) មាន​រាង​មូល​រល​ស្មើ​ចុង​ស្មើ​ដើម ចម្អិន​ដោយ​ស្ងោរ ឬ​អាំង​ក៏​មាន។ អន្សម មាន​ច្រើន​ប្រភេទ​គឺ អន្សមចេក អន្សម​ដាក់​ចេកណាំវ៉ា​ទុំ​ទាំងមូល​ជា​ស្នួល។ អន្សម​ជ្រូក អន្សម​ដាក់​សាច់​ជ្រូក​ជា​ស្នូល។ អន្សម​ដូង អន្សម​ដាក់​ខ្ទិះដូង ឬ​សាច់​ដូង​ទុំ​កោស​លាយ​ផង។ អន្សម​អាំង អន្សម​ដែល​ចម្អិន​ដោយ​អាំង។ល។

មូលហេតុ​ដែល​នាំ​ឲ្យ​មាន​ការ​វេច​នំអន្សម តាម​ជំនឿ​សាសនា ៖
យោង​តាម (Nom Ansom) ឯកសារ​មួយ​ចំនួន​បាន​ឲ្យដឹង​ថា ក្នុង​សម័យ​ព្រះបាទជ័យវរន្ម័ទី៧ ប្រទេស​កម្ពុជា​ប្រកាន់ សាសនាព្រាហ្មណ៍ ហើយ​របស់​ប្រើប្រាស់ និង​សម្ភារ​ភាគច្រើន​តែងតែ​មាន​ទំនាក់ទំនង​នឹង​សាសនា តួយ៉ាង​នំអន្សម​នេះ​ជាដើម។

  • ក្នុង​សាសនា​ព្រាហ្មណ៍​នំអន្សម គឺ​តំណាង​ឲ្យ​លិង្គព្រះឥសូរ 
  • ចំណែក​ឯ​នំគម​វិញ គឺ​តំណាង​ឲ្យ​យោនី នាង​ឧមា ដែល​ជា​ព្រះមហេសី​របស់​ព្រះឥសូរ។ ម៉្លោះហើយ​ទើប​យើង​តែងតែ​ឃើញ​នំ​ប្រភេទ​នេះ​ក្នុង​ពិធី​បុណ្យទាន អម​ជាមួយ​នឹង “នំគម” ដែល​ជា​នំ​ប្រពៃណី​ខ្មែរ​ផង​ដែរ។ ដោយសារ​ជំនឿ​សាសនាព្រាហ្មណ៍​ត្រូវ​បាន​ដក់ជាប់​ក្នុង​ផ្នត់គំនិត​ខ្មែរ គ្រប់គ្នា​ទៅ​ហើយ​នោះ (បើ​តាម​សាសនាព្រះពុទ្ធ ពុំ​មាន​យក​នំ​ទៅ​បោះ​បាច ឬ​សែន​ដូច្នេះ​ទេ មាន​តែ​សាសនាព្រាហ្មណ៍​តែ​មួយ​ប៉ុណ្ណោះ) ទើប​ខ្មែរ​យើង​យក​នំអន្សមជ្រូក អន្សមចេក នំគម នំបត់ ទាំងនេះ​ទៅ​ប្រគេន​ព្រះសង្ឃ​វិញ ដែល​ធ្វើ​ឲ្យ​សាសនា​ទាំងពីរ​លាយឡំ​គ្នា​ដូច​យើង​ឃើញ​សព្វ​ថ្ងៃនេះ។

(រូបនំគមរាងដូចយោនីនាងឧមាមហេសីព្រះវិស្ណុ )

(រូបនំអន្សមរាងដូចលិង្គព្រះឥសូរ)

“នំអន្សម” មាន​ដើមកំណើត​តាំងពី​បរម​បុរាណកាល​មក ក្នុង​ប្រវត្តិ​នំ​ប្រពៃណី​ខ្មែរ និង​ត្រូវ​បាន​គេ​ឃើញ​វត្តមាន​នំ​មួយ​ប្រភេទ​នេះ​នៅ​ក្នុង​ពិធីបុណ្យ ប្រពៃណី​ខ្មែរ ដូចជា​បុណ្យចូលឆ្នាំ បុណ្យភ្ជុំបិណ្ឌ ក្នុង​ពិធី​រៀបអាពាហ៍ពិពាហ៍ និង​ពិធីបុណ្យ​សាសនា​មួយ​ចំនួន​ទៀត។ ការ​ដែល​យក​នំ​ទាំងអស់​នេះ​ទៅ​វត្ត​នៅ​ថ្ងៃ​ភ្ជុំបិណ្ឌ​មកពី​បុណ្យ​នេះ​ក៏​ដូចជា បុណ្យ​ផ្សេង​ទៀត​ជាប់ពាក់ព័ន្ធ​នឹង​ព្រហ្មញ្ញសាសនា។

វិធី​ក្នុង​ការ​វេច នំអន្សម
ដំបូង យើង​ត្រូវ​ហែក​ស្លឹក​ចេក ឬ ស្លឹក​ផ្អាវ ហើយ​ហាល​ថ្ងៃ​ឲ្យ​ទន់​ល្អ​ចំពោះ​ស្លឹក​ចេក។ បន្ទាប់​មក​ត្រូវ​យក​វា​មក​ជូត​ឲ្យ​ស្អាត​និង​ត្រូវ​ត្រៀម​ខ្សែ សម្រាប់​ចង។ គេ​អាច​យក​ដើម​ចេក​មក​ធ្វើ​ជា​ខ្សែ​ក៏​បាន ឬ​ខ្សែ​ចង​ធម្មតា​ក៏​បាន។ បន្ទាប់​មក​ទៀត ត្រូវ​លាង​អង្ករ​ដំណើប​ទុក​ឲ្យ​ស្ងួត ហើយ​ទឹក​អង្ករ​ដំណើប​នោះ​ត្រូវ​លាយ​អំបិល​តិចៗ​ដើម្បី​បង្កើន​ឱជារស ហើយ​ត្រូវ​លាង​សណ្ដែក​លឿង​ទុក​ឲ្យ​ស្រស់​ទឹក។ បន្ទាប់​ពី​នោះ យើង​ត្រូវ​ហាន់​សាច់​ជ្រូក​ជា​ចង្វាយ​វែង​ល្មម (ភាគច្រើន​គេ​យក​សាច់​ជ្រូក​បី​ជាន់ ដោយសារ​វា​មាន​ជាតិ​ខ្លាញ់​តិចៗ) ដោយ​លាយ​គ្រឿង​ដូចជា ម្រេច អំបិល មើម​ខ្ទឹមស ជាដើម។

ក្រោយមក យើង​អាច​វេច​បាន​ហើយ។ ការ​វេច​យើង​ត្រូវ​ចំណាយ​ពេល​ពី ១ ទៅ ២ ម៉ោង​អាស្រ័យ​ទៅ​លើ​ចំនួន​អង្ករ​ដែល​យើង​វេច។ ដំបូង​យើង​ត្រូវ​លា​ស្លឹក​ចេក​ទ្រាប់​លើ​គ្នា​ឲ្យ​ក្រាស់​ល្មម ហើយ​ត្រូវ​ដាក់​អង្ករ​រាយ​លើ​ស្លឹក​ចេក បន្ទាប់​មក​រោយ​សណ្ដែក​លឿង​ពី​លើ​រួច​ដាក់​សាច់​ជ្រូក​ពី​លើ ហើយ​បត់​ចុង​នៃ​ស្លឹក​ទាំងពីរ​ចូល​គ្នា។

បន្ទាប់ពី​វេច ហើយ​យើង​ត្រូវ​ឆ្លង​កាត់​ដំណាក់កាល​មួយ​ទៀត​គឺ ចង។ ការ​ចង​នំ​មិនមែន​ជា​ការ​ងាយ​នោះ​ទេ។ យើង​ត្រូវ​ចង​ឲ្យ​ណែន​ល្អ បើ​មិន​ដូច្នេះ​ទេ​នៅ​ពេល​ស្ងោរ ទឹក​អាច​ចូល​ក្នុង​នំ ដែល​អាច​ធ្វើ​ឲ្យ​អង្ករ​រលាយ​ចេញ។ បន្ទាប់​ពី​ចង​ហើយ​យើង​ត្រូវ​យក​ទៅ​ស្ងោរ។

ការ​ស្ងោរ​យើង​ត្រូវ​ចំណាយ​ពេល​ប្រមាណ​ពី ៥ ទៅ ៦ ម៉ោង ទម្រាំ​តែ​ឆ្អិន​ល្អ។ យើង​ត្រូវ​នៅ​ចាំ​មើល​ជាប់​ជានិច្ច យើង​ត្រូវ​មើល​ភ្លើង​ឲ្យ​បាន​ដិត​ដល់ ហើយ​ត្រូវ​ប្រែ​នំ​ទៅ​ម្ខាង​ទៀត ដើម្បី​ឲ្យ​នំ​ឆ្អិន​បាន​ល្អ។

  • ស្រោចទឺគ
  • បាលីអូមអាមគាថា
  • ខ្សែគាថា
  • កន្សែងយ័ន
  • អុជធូបបន់ស្រន់ពេលមានអាសន្ន
  • ច្រូចស្រាថ្វាយព្រះធរណីមុននឹងផឹក
  • គ្រូវេទមន្តបាលីស្តោះព្រូស បណ្តេញបីសាច អាបធ្មប់។
  • គោរពលិង្គព្រះឥសូរ
  • ចាក់សាក់បាលីលើខ្លួនប្រាណ
  • ពិធីសែនក្រុងពាលី 
  • ពិធីរៀបអាពាហ៍ពិពាហ៍( មានចំណុចខ្លះពាក់ព័ន្ធនឹងសាសនាព្រាហ្មណ៍)
  • ពិធីសំុព្រលឹង
  • ការលៀងអារក្ខបន់ស្រន់បញ្ចូលរូប
  • ពិធីសង់លំនៅឋាន
  • ពិធីមើលពេលាចេញដំណើរ ….
  • ……..

(រូបចាក់សាក់បាលីគាថា ព្រហ្មញ្ញសានា )

(អត្ថបទនិងរូបភាព ៖ យួន បូរ៉េត  )

តណ្ហារបស់មនុស្សមិនកំណត់

តណ្ហារបស់មនុស្ស ៖ មនុស្សជាសត្វជាន់ខ្ពស់ដែលខុសពីសត្វតិរច្ឆាន ព្រោះមនុស្សចេះមានកំហឹង មានអនុស្សាវរីយ៍ មានការឈឺចាប់ មានការ ភ្ញាក់រលឹក ចេះកែកំហុសខ្លួន រហូតដល់មានសមត្ថភាពខ្ពស់ធ្វើឲ្យពិភពលោកមានការផ្លាស់ប្តូរពីភាពអន់ថយ ទៅរកការជឿនលឿនថែមទៀតផង។ ប៉ុន្តែអ្វីដែលយើងចាប់អារម្មណ៍ខ្លាំងរបស់មនុស្សគឺ << តណ្ហា >>។តណ្ហាមានន័យថា ចំណង់ ការចង់បាន បំណង ឬការស្រេេកឃ្លាន។ ចំណង់របស់មនុស្សគ្មានទីបញ្ចប់ទេ ។ មនុស្សមានបំណងចង់បានអ្វីមួយដែលប្រសើរជាងគ្មានក្នុងខណៈដែលគេកំពុងរស់នៅ តែក្រោយពីគេសម្រេចបំណងនោះហើយ គេរិតតែមានចំណង់ឲ្យបានកាន់តែប្រសើរបន្ថែមទៀត។ 

ឧទារណ៍៖ មនុស្សខ្លះសម្រេចបានត្រឹមជាចៅហ្វាយខេត្ត បន្ទាប់មកមានតណ្ហាចង់ធ្វើ ជារដ្ឋមន្ត្រី ឬនាយករដ្ឋមន្ត្រី ឬចង់ក្តាប់ពិភពលោកទាំងមូលតែម្តង។ 

ជាឧទាហរណមួយទៀត៖ សម្លមួយឆ្នាំងមិនអាចតម្រូវតាមចំណង់របស់មនុស្សហូបច្រើនគ្នាបានទេ ព្រោះអ្នកខ្លះថាសម្លនេះសាប អ្នកខ្លះថាសម្លនេះប្រៃ អ្នកខ្លះថាសម្លនេះផ្អែម ហើយអ្នកខ្លះថា មិនស៊ីទេសម្លយ៉ាងនេះ។       

ដោយសារមនុស្សមានចំណង់ ឬតណ្ហា          មិនកំណត់ដូច្នេះហើយ ទើបព្រះពុទ្ធ មានឱវាទថា << ដើម្បីសេចក្តីសុខ ត្រូវលះបង់ចំណង់ឬតណ្ហានេះឯង >> ។

 ចំពោះផ្លូវលោកវិញ មនុស្សរាប់លានអ្នកមិនថាអ្នកដឹកនាំឬអ្នកត្រូវគេដឹកនាំឬ អ្នកមាន អ្នកក្រ ល្អអាក្រក់យ៉ាងណា សុទ្ធតែមានតណ្ហាមិនកំណត់ដូចគ្នា គ្រាន់តែអ្នកខ្លះយ៉ាងនេះ អ្នកខ្លះយ៉ាងនោះ ប៉ុណ្ណោះ ។         ឧទាហរណ៍ អ្នកខ្លះចង់កាន់អំណាចធំ តូច អ្នកខ្លះចង់ធ្វើជាអ្នកជំនួញ អ្នកខ្លះចង់ធ្វើការងារដើម្បីជីវភាពរស់នៅមួយគែៗប៉ណ្ណោះ។ 

ដោយសារមនុស្សលោកមានតណ្ហាមិនចេះរីងស្ងួតដូច្នេះ ទើបមានមនុស្សមួយ ក្រុមបានផ្តួចផ្តើមគ្នាបង្កើតច្បាប់ជាបន្តបន្ទាប់ដើម្បីទប់ស្កាត់តណ្ហាមនុស្សកុំឲ្យភ្លើតភ្លើនហួសព្រំដែន។ 

* ច្បាប់

ជាបទបញ្ញត្តិដែលមានវិសាលភាពគ្របដណ្តប់លើមនុស្សទូទៅ ហើយផ្តល់ផលវិជ្ជមានដល់មនុស្សគ្រប់រូប ពោលគឺបម្រើនិងការពារផលប្រយោជន៍ដល់មនុស្សទូទៅមិនរើសមុខ មិនប្រកាន់ជាតិសាសន៍ មិនប្រកាន់បក្ខពួក ។ល។

 ( រក្សាសិទ្ធដោយ ៖ យួន បូរ៉េត )

ឆ្កែកំជឹលរង់ចាំស៊ីអាចម៌

រឿងនិទាន ៖ ឆ្កែកំជិលសុខចិត្តស៊ីអាចម៌ 


    ឆ្កែនិងម្ចាស់បានពិភាក្សាគា្នអំពីរបៀបធ្វើ ស្រែឲ្យបានផលស្រូវ។ឆ្កែបានសួរម្ចាស់ថា ។ ឆ្កែ ៖ សួស្តីលោកឪពុក តើមុននឹងបានបាយហូបត្រូវធ្វើដូចម្តេចខ្លះ ? 

ម្ចាស់ ៖ មុនដំបូងត្រូវមានផែនការជ្រើស រើសពូជស្រូវដែលមានគុណភាពអង្ករបាយឆ្ងាញ់និងផ្តល់ទិន្នផលខ្ពស់។បន្ទាប់មកដល់រដូវភ្លៀងធ្លាក់ត្រូវភ្ជួរដីចោលមួយរយៈប្រហែល10ថ្ងៃ រួចចាប់ផ្តើមត្រាំពូជស្រូវក្នុងទឹករយៈពេល24ម៉ោង បន្តាប់មកស្រង់ពូជនោះផ្អាប់ទុករយៈពេល2យប់ដើម្បីឲ្យពូជដុះពន្លកនិងបែកមាត់ចាបនៃគ្រាប់ស្រូវ។លុះស្អែកឡើងត្រូវធ្វើដីទីសំណាបឲ្យល្អិតរាបស្មើ ហើយក៏ចាប់ផ្តើមបាចព្រោះគ្រាប់ស្រូវទុកឲ្យដុះរយៈពេល1ខែទើបដកយកទៅស្ទូង។ក្រោយពីស្ទូង ស្រូវចាប់ផ្តើមលូតលាស់ត្រូវថែរក្សាដាក់ជី បោចស្មៅ ទប់ភ្លឺស្រែឲ្យទឹកនៅគង់វង្ស។ត្រូវថែទាំស្រូវរហូតដល់ចេញផ្កាផ្លែទុកទាល់តែទំុរួចប្រមូលផលយកមកទុកដាក់ក្នុងជង្រុកជាការស្រេច។ 

ឆ្កែ ៖ ចុះធ្វើម៉េចឲ្យបានបាយហូប លោកប៉ា? ម្ចាស់ ៖ ត្រូវយកស្រូវហាលថ្ងៃឲ្យស្ងួតរួចយកទៅបុកឲ្យចេញជាអង្ករ បន្ទាប់មកដណ្តាំបាយឲ្យឆ្អឹន រួចរកម្ហូបមកស៊ីផ្សំជាមួយបាយទើបឆ្ងាញ់ ណា !!!!!

 ឆ្កែ ៖ ហ៊ឺ ! លោកប៉ា ! ឃើញថា ចំណាយពេលវេលាយូរខែណាស់ ទើបបានបាយហូប ហើយត្រូវមានម្ហូបឆ្ងាញ់ៗទៀតទើបហូបឆ្ងាញ់បាន ។ បើដូច្នេះ ខ្ញំុខ្ជឹលធ្វើស្រែណាស់ សុខចិត្តដេករង់ចាំស៊ីអាចម៌មនុស្សវិញ។ 

ម្ចាស់ ៖ អើ ! តាមចិត្តឯងចុះកូនសម្លាញ់។ ហេតុដូច្នេះហើយបានជាឆ្កែសុខចិត្តស៊ីអាចម៌មនុស្សរហូតដល់សព្វថ្ងៃ ព្រោះវាខ្ជិលធ្វើស្រែ ។

 ( អត្ថបទនិងរូបភាព ៖ យួន បូរ៉េត )

ចរិតមនុស្ស

មនុស្សរាប់លានអ្នកមិនអាចមានចរិតដូចគ្នាទេ ព្រោះមនុស្សជាសត្វជាន់ខ្ពស់ មានសតិបញ្ញា មានការភ្ញាក់រលឹក មានការឈឺចាប់ ចេះមានអនុស្សាវរីយ៍ មានកំហឹង ……..។

     មនុស្សមានលក្ខណៈដូចតទៅ ៖

  • ខ្ជឹលច្រូស
  • ឧស្សាហ៍
  • ខំធ្វើការងារ
  • ច្រណែន
  • ប្រច័ណ្ឌ
  • កាចសាហាវ
  • មិនចាប់អារម្មណ៍នឹងអ្នកដទៃ
  • សោះអង្គើយ
  • មិនខំការងា
  • ផ្តេកផ្តួលលើកម្លាំងអ្នកដទៃ
  • មិនស្តាប់ មិនយកអនុសាសន៍ពីអ្នកដទៃ
  • ចាំថាតាមគេ
  • មើលបំណាំអ្នកដទៃ
  • ចាំចាប់កំហុសអ្នកដទៃ
  • ឃ្លានអំណាចចង់បានបុណ្យសក្តិហួសពីសមត្ថភាពខ្លួន
  • ភួតកុហក បោកប្រាស់
  • ចូលចិត្តនិយាយដើមអ្នកដទៃ
  • អុចអាល
  • ចេះជួយយកអាសារអ្នកដទៃ
  • ខំស្វែងយល់បញ្ហាសង្គម
  • ………។

សុភាសិត

<< ដំដែកទាន់នៅក្តៅ ប្រដៅមនុស្សទាន់នៅក្មេង >> ។

———————————————

១- ដំដែកទាន់នៅក្តៅ ៖ ដែកជាលោហៈ។ដែកមានច្រើនប្រភេទ ដែកខ្លះទន់អាចដំ អាចកាច់ ឬចាប់ពត់ធ្វើឲ្យវៀចឬធ្វើឲ្យត្រង់បាន ។ ប៉ុន្តែដែកខ្លះ រឹង ស្វិតមិនងាយដំ កាច់ឬពត់បានទេ ដែកប្រភេទនេះ មានតែដុតកំដៅឲ្យក្តៅឡើងក្រហមឆ្អឹនឆ្អៅទើបដំបាន។ជាងដែកមានវិធីធ្វើឲ្យដែកទន់ដោយដុតកំដៅក្នុងសីតុណ្ហភាពខ្ពស់គោលបំណងដំយកតម្រូវតាមសម្ភារដែលចង់បាន ឧទាហរណ៍ ៖ កាំបិត ពូថៅ ផ្លែ កណ្តៀវ ឬសម្ភារផ្សេងៗធ្វើពីដែក។ មានវិធីមួយ ទៀតគឺជាងដែកធ្វើដែកឲ្យទៅជារឹងវិញបាន ដោយមុនដំបូងគាត់ដុតឲ្យក្តៅ រួចដំធ្វើសម្ភារ បន្ទាប់មកគាត់យកសម្ភារនោះដុតឲ្យក្តៅរួចគាត់យកទៅជ្រលក់ទឹកត្រជាក់ ។ សម្ភារនោះក្លាយទៅជារឹងស្វិតមាំមានគុណភាពខ្ពស់អាចប្រើបានយូរមិនងាយខូច។ដែក ដែលរឹងមាំស្វិតជាងគេគឺ << ដែកថែប>>។បន្ទាប់មកគឺ<<ដែកស្មិត>>។ រីឯដែកឬលោហៈដែលទន់ជាងគេគឺ សំណ បន្ទាប់មកគឺ មាស( មាសទឹកដប់)។

ជាងដែកកំពុងដំដែក

២- ប្រដៅមនុស្សទាន់នៅក្មេង ៖ មនុស្សកើតមកមានវ័យជាដំណាក់កាលៗ គឺ ការចាប់ បដិសន្ធិក្នុងឧទ្ទរម្តាយ ការស្ថិតនៅក្នុងភាពកុមារ(បឋមវ័យ)មជ្ឈឹមវ័យ(វ័យកណ្តាល) និងវ័យមនុស្សចាស់។ ប្រដៅ ជាពាក្យមួយសម្តៅ ដល់ការណែនាំអប់រំ ទូន្មាន ណែនាំឲ្យធ្វើត្រឹមត្រូវ។មនុស្សដែលងាយស្រួលទទួលការអប់រំបានល្អគឺ មនុស្សស្ថិតក្នុងវ័យ (បឋមវ័យនិងបន្ទាប់មកគឺ វ័យកណ្តាល) ។វ័យទាំងពីរនោះគេចាត់ទុកថា វ័យក្មេងដែលមានខួរក្បាលនិងការគិតនិងកម្លាំងកំហែងរឹងមាំជាងវ័យចាស់ ព្រោះខួរក្បាលមនុស្សវ័យក្មេង ប្រៀបដូចក្រណាត់សស្អាត ដែលឆាប់ចាប់បានងាយចងចាំ ងាយគិតហើយក៏ងាយប្រលាក់កខ្វក់ផងដែរ មានន័យថា មនុស្សវ័យក្មេង ឆាប់ធ្វើ តាមគេ បើគេអប់រំឲ្យប្រព្រឹត្តអំពើល្អ នោះនឹងបានផលល្អ តែបើគេអប់រំឲ្យប្រព្រឹត្តិអំពើអាក្រក់ ក៏នឹងទទួលផលអាក្រក់ភ្លាម។ នៅក្នុងសង្គមការងារ ទាំងរដ្ឋាភិបាលក៏ដូច ជានៅក្នុងក្រុមហ៊ុន គេត្រូវការមនុស្សវ័យក្មេងដែលជាវ័យមានប្រាជ្ញា មានកម្លាំងខ្លាំងក្លាក្នុងការគិតនិងបំពេញការងារបានល្អ ទើបប្រទេសជាតិមានការជឿនលឿនឆាប់ទទួលផលល្អ។ឯមនុស្សចាស់លែងមានកម្លាំង ប្រាជ្ញាស្មារតីអន់ថយ ត្រូវគេដាក់ឲ្យចូលនិវត្តន៍សម្រាកពីការងារ។
ដូច្នេះ គ្រូបង្រៀនត្រូវគិតឲ្យបានដិតដល់ចំពោះការអប់រំកុមារនិងយុវជនដែលជាវ័យស្ថិតក្នុងការទទួលការអប់រំ។ បើគ្រូបង្រៀនបានល្អ សិស្សនឹងទទួលផលបានល្អ បើគ្រូបង្រៀនខុស គ្រូត្រូវកែលម្អ ឬកែតម្រូវជាបន្ទាន់ ចៀងវាងដាច់ខាតនូវការបង្រៀនខុសហើយគ្រូសម្ងំទុកមិនកែតម្រូវ នោះសិស្សនឹងក្លាយជាមនុស្សមានកំហុសជារៀងរហូត។

សិស្សកំពុងចូលសាលា

      អ្នកនយោបាយ ត្រូវគិតគូរពីយុវជន។ អ្នកនយោបាយត្រូវផ្តល់ឱកាស់ឲ្យយុវជនឲ្យបានច្រើនក្នុងការចូលរួមទាំងនយោបាយ និងការកសាងសង្គម ៕
( អត្ថបទនិងរូបភាព ៖ យួន បូរ៉េត )

ស្វែងយល់និងការពារឆ្កែឆ្កួតខាំ

ពេល ឆ្កែខាំ គួរធ្វើដូចម្តេចទៅ‬?
 បញ្ហាឆ្កែខាំមិនដូចគ្នានឹង ការមុតកំបិតនោះទេ មានន័យថា អ្នកអាចនឹងមានឱកាសច្រើន ទៅនឹងការឆ្លងជំងឺឆ្កែឆ្កួត ហើយដើម្បីសុវត្ថិភាព អ្នកត្រូវតែធ្វើការព្យាបាលភ្លាមៗ។

ចំពោះការសង្គ្រោះបឋម លើករណីក្រោយពីឆ្កែខាំរួច មានដូចជា ៖

– មិនត្រូវចង់ក្រណាត់ ឬខ្សែ ជុំវិញកន្លែងមានរបួសតឹងឡើយ ហើយត្រូវរក្សាឲ្យមុខរបួសចំហរ។

– ចូរលាងសម្អាតរបួសនោះ ជាមួយទឹក និងសាប៊ូ។ បើសិនជាមានអាល់កុល នៅផ្ទះស្រាប់ អ្នកអាចលាងសម្អាតរបួសនោះបាន ដើម្បីសម្លាប់មេរោគ។ ការធ្វើបែបនេះ អាចជួយលាងសម្អាតទឹកមាត់ និងធូលីដី ចេញពីកន្លែងមានបញ្ហានោះបាន។

– ចូរពិគ្រោះជាមួយគ្រូពេទ្យ ក្នុងរយៈពេល ២៤ ម៉ោង និងទទួលយកការចាក់ថ្នាំដំបូង (បើសិនជាចាំបាច់) ដើម្បីបង្ការការបង្ករោគ។

មនុស្សភាគច្រើន តែងប្រើវិធីព្យាបាល នៅផ្ទះដោយខ្លួនឯង ឬលាបថ្នាំនៅលើរបួស ដើម្បីឲ្យឆាប់ជា។ ប៉ុន្តែ របៀបព្យាបាលជំងឺ និងបង្ការជំងឺឆ្កែឆ្គួតដែលត្រឹមត្រូវនោះ គឺការចាក់វ៉ាក់សាំង និង Immunoglobulin។ ដោយសារតែមេរោគបង្កជំងឺឆ្កែឆ្គួត គឺជាវីរុស ដូច្នេះ ការលាបថ្នាំសម្លាប់បាក់តេរី នឹងមិនមានប្រសិទ្ធភាពឡើយ។

ប៉ុន្តែ អ្នកអាចលាបថ្នាំសម្លាប់បាក់តេរីនេះបាន ដើម្បីបង្ការការបង្ករោគផ្សេងៗ ប៉ុន្តែ ត្រូវពិគ្រោះជាមួយគ្រូពេទ្យ ឲ្យបានលឿនបំផុត តាមតែអាចធ្វើទៅបាន។ មនុស្សភាគច្រើនមិនបានដឹងថា ការដែលឆ្កែខាំ អាចបណ្តាលឲ្យស្លាប់បាន បើសិនជាមិនមានការព្យាបាល ទាន់ពេលវេលា។

ជាមួយគ្នានេះដែរ មេរោគឆ្កែឆ្គួត មិនអាចព្យាបាលបានទេ ដូច្នេះ យកល្អ គួរតែយល់ដឹងអំពី ភាពធ្ងន់ធ្ងររបស់វា និងទទួលយកការព្យាបាលឲ្យបានលឿនទៅ៕